Seinastu boð
Telving fyri børn
29. januar 2018

Telving fyri børn er eitt av tilboðunum, ið kvøld- og ungdómsskúlin í Runavík bjóðar í vetur. Tilboðið er ókeypis, og tað er eingin treyt, at tú dugir at telva frammanundan. Aldursmarkið er frá forskúlaaldri til 10. flokk.

Vit læra mannagongd og reglur, telva móti hvørjum øðrum, loysa talvuppgávur o.a. Lærarar eru Jógvan Ingvard Hansen, ið telvar við Tofta talvfelag, og Kári Sverrisson.

Telving fyri børn er í Glyvra skúla mikudagar kl. 16.30-17.45, og hon heldur fram til páskafrítíðina. Øll eru vælkomin!