Nú vit nærkast summarferiuni, so er vanligt at niðurleggja vanliga skúlaskemaði og síðan gera ymiskt annað síðstu dagarnar.
Ein dagur plagar altíð at vera ein útferð, niðan á okkurt fjall, og av tí at veðrið sá út til at vera best í dag, so valdu vit at gera útferðina í dag.
Ætlanin var allatíð at fara til Norðagøtu og ganga niðan á Leirvíksfjall og síðan oman til Leirvíkar, men av tí at tað var rættuliga frískur vindur í morgun, so valdu vit at broyta túrin, soleiðis at vit koyrdu til Rituvíkar og gingu síðan niðan á Glyvrafjall og síðan yvir á Gásafelli áðrenn vit fóru heimaftur til Rituvíkar.
Veðrið var av tí allar besta og børnunum dámdu væl at sleppa ein túr í hagan.
Brekkan niðan á Glyvrafjall er góð og ikki serliga brøtt, og tá man er komin niðaná, so er slætt og gott at ganga hjá øllum.