Seinastu tíðina hava vit arbeitt eitt sindur við heystinum. Vit hava klipt og límað bløð og tosað um seyð, fjøll og fletting. Í sangløtuni elska børnini at syngja "Heystið tað er júst nú komið" í kanon.
Mikudagin 10.10. høvdu vit rennidag saman við øllum hinum í Runavíkar kommunuskúla. Forskúlin rann runt lítla vatn, umleið 3 km. Afturkomin í kantinuna í skúlanum við Løkin fingu vit Twix og sunkist. Hóast onkur ikki orkaði so væl og spurdi eitt sindur uppgevandi: "Nær fara vit at hava gangidag...?", so var dagurin sera góður og væl eydnaður.
Børnini spæla nógv og væl saman og onkur nýggj vinarløg eru eisini komin. Deiligt.
Í arbeiðsløtum arbeiða børnini sera hugagóð. Seinastu vikurnar hava vit í rokning arbeitt við at skilja ymiskt sundur. Í føroyskum hava vit arbeitt við rím og ramsum.
Góða heystferiu! Vit síggjast aftur 22. okt.
Stór og smá í Uppistovu :)