Sjórænaradagur á Glyvrum

Fríggjadagin 19.september skipaði dramabreytin í 10.flokki fyri sjórænaradag inni á Glyvrum. Tiltakið var fyri 1.flokkunum, og eydnaðist tað sera væl. Næmingarnir skuldu hjálpa sjórænarunum at finna ein skatt, og skuldu tey gjøgnum 10 postar, har tey blivu til sjórænarar. Postarnir vóru m.a. at gera eitt sjórænaraflagg, gera klapp fyri eyga og læra ein sjórænarasang. Skatturin var stuðlaður av Landshandlinum, og fingu øll eina Drív sodavatn og slikkipinn.