Rudda í góðveðrinum

Ein næmingur gjørdi vart við, hvussu nógv rusk lá uttanfyri skúlan... So var bara eitt at gera, vit fóru øll út at rudda. Eitt, tvey, trý - so var tað orna. Ein sera arbeiðssamur flokkur! flott.

Útiskúli

Hetta var ein góðveðursdag, har vit leitaðu okkum oman á strondina. Vespurnar mungaðu sera nógv eftir øllum teimum góðu matpakkunum, so vit máttu gera skjótt av, tá ið vit skuldu eta.

Útiskúli & innsavnan til Krabbameinsfelagið

Stóra takk fyri stuðulin. Vit høvdu ein hugnaligan dag.

Springari

Súsanna, maðurin & sonur teirra, vísa her, hvussu ein springari verður skorin. Børnini vóru sera hugtikin.

Skapandi løtur

Ein av fyrstu døgunum, vóru vit úti og heintaðu blómur. Blómurnar evnaðu vit til list.

Útiskúli - Bókasavnið við Løkin

Vit hoyrdu søguna "Pápi Sally er sjúkliga flóvisligur". Børnunum dáma sera væl hesa bókarøðina, vit hava nú lisið tvær av hesum stuttligu bókunum.

Útiskúli 12.september 2025

Í dag hava vit vitja Føroya banka. Vit koyrdu við bussinum hjá Paula (tí reyða), bussførarin setti okkum av, beint uttanfyri bankan. Inni hoyrdu vit um mangt og hvat. Børnini høvdu fyrireika spurningar frammanundan. Eisini fingu vit sundkist, karamellur og slikkipinn. Tit kunnu spyrja tey, um tey sóu nakað pengaskáp, og um snilda lykilin...

Vit ótu matpakka við Løkin og hoyrdu síðsta kapittul av Gummi Tarsan. Tinna bjóðaði føðingardagskort.

Til seinast, so vóru vit inni á gólvinum hjá 6.flokki. Tey greiddu frá, hvussu ein skúlavika hjá teimum sær út.

Samanumtikið, ein so avbera góður dagur.

Tónleik við Kára

Týsdagar hava børnini tónleik. Tey eru sera heppin, Kári vísir teimum nógv ymisk ljóðføri, og tey sleppa eisini at venja við teimum. Eisini læra tey um nótar o.a. Hetta er ein rík løta, ið øll njóta gott av.