HEILSUKANNING
 

Sambært lóg um Fyribyrgjandi heilsuskipanir til børn og ung, skal Gigni bjóða øllum skúlanæmingum í Føroyum kanningar, samrøður og undirvísing frá 1. - 9. flokk. Gigni veitir heilsufrøðiligar tænastur til øll børn, ung og familjur í Føroyum við tí endamálið at tryggja børnum og ungum best møguligar fyritreytir fyri einum uppvøkstri og vaksnamannalívi.

Við skúlabyrjan

• Viðtala saman við foreldrunum
   

1.- 4. flokk

• Sjónkanning, vekt og hædd
• Uppfylging frá 1. viðtaluni
• Einstaklingasamrøða, har dentur verður lagdur á trivnað í skúlanum, heima og í frítíðini
• Bólka- ella floksundirvísing um t.d. kost, rørslu, reinføri, trivnað, vinarlag, ja og nei kenslur, persónlig mørk o.s.fr.
   

5.- 7. flokk

• Sjónkanning, vekt og hædd, umframt litsjón og hoyrn í 7. flokki
• Einstaklingasamrøða um t.d. trivnað í skúlanum, heima og í frítiðini
• Bólka- ella floksundirvísing um t.d. kynsbúning, ja og nei kenslur, persónlig mørk, vinarlag, bólkatrýst, royking, alkohol, o.s.fr.
   

8.- 9. flokk

• Sjónkanning, evt. vekt og hædd
• Einstaklingasamrøða um t.d. trivnað í skúlanum, heima og í frítíðini, framtíðarætlanir og møguleikar v.m.
• Einstaklingavegleiðing eftir tørvi hjá næminginum
• Bólka- og/ella floksundirvísing um t.d. alkohol, rúsevnir, royking, kynslív, fyribyrging (præventión), kynsjúkur, ja og nei kenslur, persónlig mørk o.s.fr.