15/4  Boð frá heilsufrøðinginum á skúlanum:

Góðu næmingar og foreldur í 7.b

Mánadagin 20.apríl komi eg at tosa við næmingarnar um evnið “ABC fyri sálarliga heilsu”.

Í morgin fáa næmingarnir ein brævbjálva við einum samrøðuskjalið heim við.

Samrøðuskjalið skulu næmingarnir útfylla saman við tykkum foreldrunum og hava við aftur í skúla mánadagin.

Hetta er eitt gott høvi at sita saman við tykkara barnið og fáa eitt gott prát um trivna og heilsu.

Við útgangsstøðið í samrøðuskjalinum fari eg eisini at hava einstaklingasamrøður við næmingarnar, har tosa verður um trivna í skúla, frítíð og heima.

Eisini verður sjón, hædd ov vekt kannað.

Tit fara at fáa eitt samtykkisskjal sendandi umvegis vangan, sum tit skulu samtykkja áðrenn einstaklingasamrøðurnar.

Um tit foreldur ynskja eitt prát viðvíkjandi heilsu, menning ella trivnaði hjá barnið tykkara áðrenn samrøðurnar, eru tit vælkomin at seta tykkum í samband við meg á tel: 562339 ella á mail: moridm@gigni.fo

Vinaliga,

Morid Meitilberg,

Heilsufrøðingur í Runavíkar kommunuskúla

15/4-26

Setursskúli

Hey tit!

Bert ein fyribils kunning um, at setursskúlin hjá 7.b verður 20. til 22. mai. 

Vit fara suður til Vágs at búgva í smáttunum, kunna okkum um nærumhvørvið har og annars hugna okkum.

Roknast kann við, at næmingarnir at gjalda eini 200 kr fyri túrin. Umframt, at teir mugu hava nakað tað sama við í lummapeningi. 

Vónandi tímir onkur eisini at baka okkum bollar og kaku at hava hava við:) Meiri kunning um túrin kemur. 

Vit gleða okkum! 

Malan og Brynhild

7/1-26    Góðu næmingar og foreldur

Tað er nógv, sum dregur og togar í tey ungu. Fleiri hava frítíðarítriv og arbeiði og eisini fer fitt av tíð til skíggjar. Tó eru einans 24 tímar í einum degi, so torført er at hava tíð til alt, sum ein skal.

Í meldrunum er lætt at gloyma lesingina. Men tað er so sera týdningarmikið at lesa. Tá ið ein lesur mennir ein sjálvsagt lesiførleikan og orðfeingi. Ein fær eisini innlit í onnur lív og aðrar lagnur. Ein lærir um søgulig viðurskifti um samfelagið í dag, og hvussu vit eru ein partur av hesum. Somuleiðis er lesingin eitt týdningarmikið fet mótið einari framtíð við nógvum møguleikum. Lesingin kann nevnliga vera við til at tryggja eina góða útbúgving og harvið fleiri arbeiðsmøguleikar. (kelda: Føroyar lesa/Nám)

Tað skal sera nógv lesivenjing til fyri at lesa raðið (automatisera)  og fyri at veruliga at skilja tað ein lesur í t.d eini aldurssvarandi lærubók. Tí er mín áheitan at geva tykkum tíð til lesingina. Helst eigur ein næmingur at lesa minst 15-20 min. hvønn dag. Tó havi eg skrivað í heimasetningin at lesa heima í eini frílesibók tríggjar dagar um vikuna í januar og februar. Men ongantíð betur, um tit lesa meiri enn hetta.

Góðan lesihug!

Blíða heilsan Brynhild

29/10

Hey tit foreldur!
Líka ein kunning um, hvat eg havi tosað við flokkin um.
Tað er fleiri (serliga gentur) sum antin ongan matpakka hava við ella sníkja seg undan at eta hann. (Nøkur sníkja seg tó at eta hann í tímunum-og tað er heldur ikki í lagi). Í staðin, fara hesi beint í fríkorter, tá ið mattímin er.

Eg havi tosað við næmingarnir um, at heilin og kroppurin hevur brúk fyri "brennievni" fyri at orka at læra og arbeiða ein langan skúladag. Síðani havi eg eisini sagt, at tá ið mattímin er skulu 10-15 min. brúkast í stovuni saman við restini av flokkinum, áðrenn mann sleppur í fríkorter, (hetta fríkorterið er 15-20 min. afturat mattímanum). Tvs. at tað loysir seg ikki at sníkja seg at eta matpakkan í tímunum fram til matfríkorterið.

Vónandi eru tit samd í hesum, og tað hevði verið deiligt, um tit kundu tosa við næmingarnar um týdningin av einum góðum matpakka.
Takk fyri tit.

Annars hevur leiðslan avgjørt, at 7.flokkarnir, saman við restini av framhaldsdeildini, etur matpakkan í floksstovuni hvønn dag frá nú av.