Seinastu boð
Áhugaverdur fyrilestur um relatiónsførleikar og týdningin av yrkisliga samskiftinum
14. apríl 2021

Ugur Kevioglu, ICDP lærari fyri Barnabata, arbeiðir við at skapa betri trivna í føroysku skúlunum. Tað ger hann millum annað gjøgnum sokallaða ICDP – háttin, sum hann við jøvnum millumbili undirvísir lærarum og námsfrøðingum í, og sum hann í næstum fer at halda fyrilestur um kring landið.

ICDP er ein granskingargrundað ástøðilig tilgongd, ið arbeiðir við menna samspælið millum børn og vaksin.

Grundhugsjónin í tilgongdini er – sum úrslitini eisini vísa okkum greitt – at besti háttur at hjálpa einum barni er støðugt at førleikamenna persónar, ið hava umsorgan fyri barninum.Tá vit hava ein trupulleika við einum barni, hava vit ofta lyndi til at kanna barnið einsamalt. Vit mugu flyta fokus og hyggja at samskiftinum, sum barnið er partur av. Tá kunnu vit betra samskiftið, sum barnið er partur av.

Arbeitt verður miðvíst út frá trimum sensitverings meginreglum. Sambært ICDP er tað góða samskiftið grundað á teir tríggjar dialogarnar, sum fevna um ávikavist tann kensluliga, meiningsfulla og leiðbeinandi dialogin. Harafturat átta leiðreglum, sum eitt nú snúgva seg um at vísa gleði fyri barninum, viðurkenna barnið, fanga uppmerksemið hjá barninum við eldhuga og at skapa karmarnar vegleiðandi.

Hesar átta leiðreglurnar eru kjarnin í, hvussu vit skapa gott samskifti. Øll sambond, vit hava við onnur menniskju, eru pakkað inn í hesi átta samanspæls temuni.

Við at fylgja hesum, verður ein meira varugur við, hvat børnini siga og gera, og hvat tey veruliga meina við tí, sum tey siga og gera. Hesin relatiónsførleikin fær yrkisfólk at umhugsa, hvussu teirra samband veruliga er við børnini. Tí trivnaður kemur bara, tá har eru góð sambond.

Í Føroyum verður ICDP brúkt sum førleikamenning til nógvar ymiskar fakbólkar: Dagrøkt, námsfrøðing, lærara og hjálparfólk, og er hesin fyrilestur ætlaður teimum, ið starvast innan hesi øki.

 

Skráin fyri fyrilestrarnar:

Trongisvágsskúli: t. 19. mai, kl. 19 – 21

– seinasta freist at tekna seg er 17. mai.

Miðlatún í Vági t. 20. mai, kl. 18.30 – 20.30

– seinasta freist at tekna seg er 18. mai.

Sørvágsskúla t. 27. mai, kl. 18.30 – 2o.30

– seinasta freist at tekna seg er 25. mai.

Bókasavninum á Sandi t. 31. mai, kl. 19 – 21

– seinasta freist at tekna seg er 29. mai.

Auluni í Miðvágs skúla t. 03. juni, kl. 18.30 – 20.30

– seinasta freist at tekna seg er 01. juni.

Mentanarhúsinum í Fuglafirði t. 07. juni, kl. 18.30 – 20.30

– seinasta freist at tekna seg er 05. juni.

Bókasavninum í skúlanum við Løkin t. 10. juni, kl. 18.30 – 20.30

– seinasta freist at tekna seg er 08. juni.

Miðhøllini í Vestmanna skúla t. 16 juni, kl. 18.30 – 20.30

– seinasta freist at tekna seg er 14. juni.

Miðhøllin í skúlanum við Streymin t. 17 juni, kl. 18.30 – 20.30

– seinasta freist at tekna seg er 15. juni.

Miðhøllin á Skúlatrøð, Klaksvík t. 14. juni, kl. 18.30 – 20.30

– seinasta freist at tekna seg er 12. juni.

 

Tú kanst tekna teg við at skriva til teldupost: arnfrid@barnabati.fo ella á telefon: 210201.