Myndir frá nógvum góðum túrum
Nógvir fantastiskir dagar hava verið síðstu tvær vikurnar.
Vit hava av tí sama næstan ikki sitið á stólinum.
Seturskúla - 6. og 7.juni
Týsdagin og mikudagin í síðstu viku vóru vit á einum fantastiskum seturskúla í Sørvági.
Her eru nakrar myndir frá seturskúlanum.
Hagatúr - reiður og pisur - 8.juni
Hósdagin fóru vit í hagan at leita eftir reiðrum og pisum. Aftur ein góður og hugnaligur túrur :)
Myndir frá hagatúrinum síggjast her
Útferð niðan á Svangaskarð - 12.juni
Mánadagin brúktu vit til eina útferð. Vit gingu úr skúlanum niðan á Svangaskarð, har spældu og hugnaðu vit okkum til klokkan 10:30. Síðan gingu vit oman á Høganes vegin og gingu síðan inneftir til nýggju útstykkingina á Høganesi. Har fóru vit um portri, og gingu síðan gjøgnum hagan til Skúlan við Løkin. Ein góður og hugnaligur dagur í allar fagrasta veðri.
Myndir av Svangaskarði síggjast her
Útferð niðan á Tjørn - 14.juni
Í dag vóru vit ein stuttan og góðan túr niðan á Tjørn. Er tað nakað sum 4.b elskar, so er tað túrar og at kunna fanga okkurt. Í dag bleiv dúgliga glúpa eftir kombikkum í tjørnini. Veðrið var av tí besta.
Myndir frá útferð niðan á Tjørn síggjast her
Hugni á Bakka - 15.juni
Í dag niðurløgdu vit skemaði hjá flokkunum. Teir síðstu dagarnar fara vit at hugna okkum og hava úti dagar.
Í dag fóru 4. og 5. flokkarnir inn á Bakka. 5.flokkur fór inn at vitja virkið hjá Bakkafrost, meðan 4.flokkarnir hugnaðu sær á Glyvra beach.
Myndir frá degnum síggjast her.
Útferð á sandinum í Fuglafirði - 16.juni
Í dag vóru vit á sandinum í Fuglafirði og hugnaðu okkum. Nøkur høvdu tikið gummibát og vátdrakt við.
Onnur hugnaðu sær við spølum, svumu og annars bara sólaðu sær.
Myndir frá degnum síggjast her
Spøl á vøllinum við Løkin - 20.juni
Í dag vóru ymiskir postar runt vøllin við Løkin. Vit hugnaðu okkum við bóltspølum, lop, myndatøka, slagróp og annað.
Myndir frá degnum síggjast her
Takk fyri tíðina Torvaldur - 21.juni
Í dag var síðsti skúladagur í hesum skúla árinum. Vit byrjaðu dagin í Løkshøll, og fóru síðan út í flokkarnar áðrenn grillingin var á skránni. Sìðstu dagarnar er altíð nógv á skrá, so trøini, ið allir 4.flokkar í skúlanum eiga at planta á hvørjum árið, høvdu nú staðið nóg leingi í túninum og bíða eftir at sleppa í jørðina. Hóast veðrið hvørki var til at grilla ella planta trø, so gjørdu vit okkum hørð og fóru út í skráningin sunnanfyri skúlan at planta. Tíverri eru ongar myndir frá plantingini, men vit tóku eina felagsmynd áðrenn Torvaldur endaliga segði farvæl við flokkin. Vit fara at sakna tína persónligheit og títt íkast í flokkinum Torvaldur. Vit ynskja tær alt tað besta í Havn. Tú ert altíð vælkomin at vitja okkum, tá tú ert í Runavík.
Her eru nakrar fáar myndir frá degnum