Í dag hava vit lært um bókstavin L.

Fáið næmingarnar at nevna 10 orð við L í og snakki við tey, um L'ið er fyrst í orðinum (fremst) ella mitt í (aftast er eisini partur av mitt í).

Um duga ar stava orðið, so kunnu tey gott tað :)

Næmingarnir hava fingið Vit Skriva bókina heim við. Gerið L liðugt heima.

Onkur bleiv liðugur, men tað kann skrivast penari. Tit kunnu viska tað "ikki-so-pena" vekk og skriva tað penari.

Hetta er mannagongdin, tá ið vit skriva í bókina:
1) Sit væl á stólinum.
2) Halt blýantin rætt í hondini.
3) Byrja og enda bókstavin á røttum staði
4) Bókstavurin skal skrivast á røttu regluna. Bókstavurin L býr á loftinum og í stovuni í skrivihúsinum, og skal tí ikki niður í kjallaran.
5) Lat ein fingur vera millum hvønn bókstav.

Tað er trupult at klára runt til øll, tá man er einsamallur, og tí fari eg at biðja tykkum um at seta tykkum við barninum og royna hyggja um síðan er gjørd á nøktandi hátt. Tey flestu eru akkurát byrjaði at skriva, so úrslitið kann sjálvandi ikki at vera perfekt, men tó er týdningarmikið, at børnini skilja, at vit gera okkum ómak, tá ið vit skriva í bøkurnar.
Børnini skulu hava bøkurnar við aftur í skúla (í morgin) mikudagin.

Tey, sum vilja, kunnu gera Á eisini, hóast tey hava gjørt tað eina ferð.Bókstavurin -á- býr í stovuni í skrivihúsinum, og skal tí ikki niður í kjallaran ella upp á loftið.