Landsroyndin 2025 í 4. og 6. flokki verður avgreidd í tíðarskeiðnum frá 8. – 11. apríl 2025.

Landsroyndin 2025 fatar um lærugreinirnar føroyskt, støddfrøði og náttúru/tøkni.

Royndarhaldið verður í flokshølunum.

Royndarhaldið í einstøku lærugreinunum verður hildið sambært hesi tíðarætlan:

Alnótin er opin til royndarhaldið, og allir hjálpimiðlar eru loyvdir. Hetta merkir, at næmingurin kannn brúka alnótina, lærubøkur, uppgávur og annað tilfar sum hjálpiamboð til royndina.  

Næmingarnir hava loyvi at brúka blýant, viskileður, kúlupenn og pappír at skriva á, um tørvur er á tí. Tó er ikki loyvt at brúka roknimaskinu í støddfrøði.  

Næmingar møta í skúla eftir tímatalvuni. Tó møtir 4. flokkur kl 8.00 týsdagin og fær frí kl 11.20. 

Heitt verður á næmingarnar at møta stundisliga.  

Um so er, at næmingur ikki møtir, skal flokslærarin hava boð frá foreldrunum. 
 
Vinarliga 
Leiðslan