Dagurin í dag hevur verið merktur av livandi høsnarungum, ið vóru og vitjaðu okkum á Brúnni, og gásarungum, ið eru eitt slag av mjúkum blómum, ið veksur á pílatrøum. Vit settu níggju smá pílatrø niður í garðinum hjá okkum. Vit hava sjálvandi eisini klipt og klistrað eitt sindur av páskapynti seinastu dagarnar. Tað hava børnini fingið heim við í gjár og í dag.

Tvær gentur, Anna Petra og Sofía Maria, hava eisini føðingardag í dag. Til lukku við degnum!

Nú er páskafrí, og vit møta aftur í forskúla týsdagin 23. apríl. Góða páskafrítið!

Bestu heilsanir,

Starvsfólkini á Brúnni