Kunning

Viðvíkjandi telefonpolitikki skúlans

 

Glyvra skúli:

Seinastu tíðina hava vit lagt til merkis, at telefonavtalurnar, sum vit hava í Glyvra skúla, eru blotnaðar nakað.

Vit fara við hesum at minna á, at vit hava ta avtalu, at telefonin skal liggja sløkt ella ljóðleys í taskuni, og bert við loyvi frá einum starvsfólki kunnu næmingar taka telefonina fram.

Hetta er eisini galdandi fyri løtuna, eftir at næmingurin er liðugur og til bussurin kemur.

Foreldur kunnu ringja til flokslærara ella á skrivstovuna, um tey hava átroðkandi boð.

 

Við Løkin:

Eisini við Løkin verður mett neyðugt at tátta í telefonreglurnar.

Lærari, sum hevur flokkin fyrsta tíma um morgunin, savnar telefonirnar í ein kassa, sum verður settur inn á lærarastovuna.

Lærarin, sum hevur næmingarnar síðsta tíma, letur næmingunum telefonirnar aftur eftir loknan tíma.

Telefonirnar skulu verða sløktar ella ljóðleysar, so tær ikki órógva.

Foreldur kunnu ringja til flokslærara ella á skrivstovuna, um tey hava átroðkandi boð.

Um so er, at næmingur ikki heldur telefonreglurnar, so hevur starvsfólk rætt at taka fartelefonir, sum verða brúktar. Telefonirnar verða handaðar skrivstovuni, sum bert letur tær aftur í samráð við foreldur ella onnur avvarðandi.