Góðu foreldur.
So eru vit komin í inn í nýggja skúlaárið, og hesuferð við nýggjum flokslærara. Tað hevur higartil gingu væl, haldi eg. Fyrstu tíðina brúka vit at læra hvønn annan at kenna, tað kann vera lætt fyri summi og torførari fyri onnur. Um tað er okkurt, sum tit halda, at eg eigi at vita ella okkurt, sum er ógreitt, kunnu tit siga mær frá.
Eg eri spent at koma at kenna flokkin og næmingarnir.
vh Beinta Berthelsen, tlf 274025
KUNNING
Viðvíkjandi telefonpolitikki skúlans
Við Løkin verður mett neyðugt at tátta í telefonreglurnar.
Lærari, sum hevur flokkin fyrsta tíma um morgunin, savnar telefonirnar í ein kassa, sum verður settur inn á lærarastovuna.
Lærarin, sum hevur næmingarnar síðsta tíma, letur næmingunum telefonirnar aftur eftir loknan tíma.
Telefonirnar skulu verða sløktar ella ljóðleysar, so tær ikki órógva.
Foreldur kunnu ringja til flokslærara ella á skrivstovuna, um tey hava átroðkandi boð.
Um so er, at næmingur ikki heldur telefonreglurnar, so hevur starvsfólk rætt at taka fartelefonir, sum verða brúktar. Telefonirnar verða handaðar skrivstovuni, sum bert letur tær aftur í samráð við foreldur ella onnur avvarðandi.
Flokskonto
Á felags foreldrafundinum var avgjørt at halda fram við at gjalda á eina felagskonto. Eg havi stovnað eina nýggja konto til flokkin. Kunnu tit gjalda 150 kr nú og 150 kr í januar, ella tit gjalda 300kr í einum í seinasta lagi 1.oktober 2022. Tað hevði verið sera gott, um øll kundu avgreitt hetta, áðrenn 1.oktober, so vit sleppa frá at rykkja eftir pengunum. Minnist til at viðmerkja navnið á barninum : )
Kontonr: 6460-6346490
Foreldraumboð í 4.a 2022/23 eru Fríðhild Højgaard og Marita Johannesen
3.flokkur takkaði fyri tíðina á Glyvrum og sang tveir sangir
Vit hava í nakrar dagar arbeitt fram í móti at gera eitt stuðulstiltak. Innkomnu pengarnir fara vit at lata til átakið hjá Reyðakrossi í Afganistan.
Brynhild greiddi týsdagin, til morgunsangin, frá um støðuna í Afganistan og vísti á fátækradømi og tann harða veturin familjurnar eru raktar av í løtuni.
Í dag seldu børnini í 3.a og 3.b toast til hinar næmingarnar í skúlanum, tí tey ynsktu at hjálpa Reyðakrossi við teirra arbeiði.
Sølan gekk sera væl, og tiltakið varð væl stuðlað. Toastsølan gav 4.395 kr, og um 10-tíðina kom Karstin Joensen og onnur starvsfólk hjá Elcon á gátt. Við sær høvdu tey ein kekk áljóðandi 10.000 kr., ið tey fegin vildu lata sum stuðul. Hetta takka vit hjartaliga fyri.
Eisini var stuttligt at síggja borgarstjóran, Torbjørn, leggja leiðina forbí skúlan, og stuðla tiltakinum.
Takk til tykkum foreldur fyri tykkara vælvild og stuðul. Somuleiðis takka vit Miðberg, FK og Elcon fyri tykkara góða stuðul.
Ein grein og fleiri myndir koma á forsíðuna seinni í dag.
Vinarliga heilsan
Næmingar og lærarar í 3.flokkunum.
Myndir frá føstulávintshaldinum á Glyvrum síggjast her. Trýst her!
