Lesiátak

Mánadagin 19 feb byrjar árliga lesiátakið við Løkin. Eins og undanfarin ár lesa næmingarnir frílesing í 15 minuttir ella longur. Vónandi taka tit undir við hesum og tosa við børnini um tað, tey lesa. Endamálið er at børnini duga betur at lesa.

Runavík 16.02.2024

Góðu foreldur/avvarandi.

Ein dag í komandi viku kemur KVF (Sjónvarpið) á vitjan í skúlanum við Løkin.

Tey fara at tosa við Sharon Sivertsen, lærara um tað at skipa dans í fríkorterunum.
Eisini fara tey filma, meðan dansað verður.
Um onkur tykkara ikki vil, at tykkara barn skal luttaka, mugu tit boða flokslæraranum frá mánadagin 19.02.2024.

Vh. Leiðslan

Vit skulu til kvæðadag í Norðurlandahúsinum týsdagin 6. feb. Til hendan dagin skulu tey duga fyrstu 10 ørindini av Ólavur Riddararós (tað sama, sum tey lærdu í fjør, so tað skal bara frískast upp)
Tey hava fingið pappír heim við, men ein fíl liggur eisini beint niðanfyri her

Vit hava deilt skipararnar upp soleiðis:
1. 2. og 3. ørindi skipa Lýðar og Lukas
4. 5. og 6. ørindi skipa Kristianna Emilia og Jonni
7. og 8. ørindi skipa Sæunn, Sillja og Sanna
9. og 10. ørindi skipa Naomi, Henrietta og Joan Kristina

Nú hava vit lært okkum at brúka teams til at lata uppgávur inn.
Til týsdagin 16. jan kl. 21.00 hava tey fingið eina lítla søgu at skriva og lata inn á teams. Um tað ikki ber til at gera tað á teldu, kunnu tey eisini skriva við hond í skrivihefti (so skal tað latast inn í skúlanum mikudagin 17. jan)

Hetta er uppgávan:
Skriva eina søgu um "At flyta". Hevur tú onkuntíð flutt bústað - frá einum landi í annað, frá einari bygd í aðra ella bara frá einum húsi í annað. Skriva um hvussu tað var. Um tú ikki hevur roynt tað, so skalt tú bara finna uppá eina søgu sjálv/ur
Skriva hví tit fluttu
Skriva hvussu tað var at flyta?
Skriva hvussu húsini/íbúðin sóu út. Antin tann, sum tit fluttu frá ella tann, sum tit fluttu til (Uttan, innan og hvørjir litir?)
Hvussu ert tú follin til har, sum tú býrt nú?
Í tínari søgu skulu hesir spurningar vera svaraðir, men søgan skal ikki skrivast í punktform, men sum ein samanhangandi tekstur.
Uppgávan skal verða uml 150 orð

KUNNING
Viðvíkjandi telefonpolitikki skúlans

Við Løkin verður mett neyðugt at tátta í telefonreglurnar.

Lærari, sum hevur flokkin fyrsta tíma um morgunin, savnar telefonirnar í ein kassa, sum verður settur inn á lærarastovuna.

Lærarin, sum hevur næmingarnar síðsta tíma, letur næmingunum telefonirnar aftur eftir loknan tíma.

Telefonirnar skulu verða sløktar ella ljóðleysar, so tær ikki órógva.

Foreldur kunnu ringja til flokslærara ella á skrivstovuna, um tey hava átroðkandi boð.

Um so er, at næmingur ikki heldur telefonreglurnar, so hevur starvsfólk rætt at taka fartelefonir, sum verða brúktar. Telefonirnar verða handaðar skrivstovuni, sum bert letur tær aftur í samráð við foreldur ella onnur avvarðandi.