Fríggjakvøldið 21. november frá kl. 19.00 til 20.00 verður skipað fyri føroyskum dansi fyri børn í Hæddini (yvir av Tannlæknastovuni í Saltangará).

Vit kvøða slíkt, sum nógv børn duga: Veturin kom við kulda og kava, Øskudólg og Sópingarkonu, Nykurs vísu o.a. Tey, ið hava hug, eru vælkomin at bjóða seg fram at skipa. Í steðginum fáa vit Twix og Sunkist.

Tiltakið er ókeypis. Øll børn eru vælkomin, og vaksin eru hjartaliga vælkomin við.

Eysturoyar Dansifelag (Jens, tlf. 577765, Kári, tlf. 589105)