Í dag var finaludagur í skúlatelving.

Vit hava í vetur havt nógv børn, ið hava luttikið í telving í kvøldskúlanum.

Seks av teimum mannaðu eitt lið til FM í skúlatalvi.

Innleiðandi umfar var á Toftum mitt í mars, har okkara børn greitt vunnu kappingina og komu víðari til finaluumfarið, ið var í dag.

Eisini í dag gekk teimum væl. Tey byrjaðu við at telva móti skálabørnum, har vit vunnu greitt 6-0, síðan varð telvað móti Skúlanum á Fløtum, ið vit vunnu 5-1. Størstu mótstøðuna fingu vit frá frítíðarskúlanum Spírin, har talvið endaði 3-3. Talvið móti børnunum úr Kelduni vunnu vit 6-0.

Undan síðsta umfari var støðan, at okkara børn vóru á odda við tveimum stigum. Í harðari kapping við Spíran og Hoyvík. Um illa vildi til, so kundu vit enda á einum triðja plássi, men tað er altíð lættast at avgera tingini sjálvi.

Við einum 4-2 sigri á Hoyvík høvdu vit tryggjað okkum FM-heitið í skúlatalvi fyri børn í 3. og 4. flokki.

Spírin vann sítt síðsta talv 6-0, so tey andaðu okkum í nakkan líka til tað síðsta.

Endaliga støðan gjørdist tískil

Glyvrar 24 stig

Spírin 23 stig

Hoyvík 20 stig

Keldan 10 stig

Skála 8 stig

Skúlin á Fløtum 5 stig

Hjartaliga til lukku við FM-heitinum!