Samband:

Joan: 212980

Rógvi: 256146

Hvussu kunnu vit vera ein góður 1.b.

Floksreglar:

• Vit hjálpa
• Vit lova uppí
• Vit bjóða uppí
• Vit gera ikki fortreð
• Vit skulu vera ein góður floksvinur
• Vit skulu ikki arga
• Vit tosa pent við hvønn annan
• Vit siga "orsaka"
• Vit í 1.b eru góð við øll:)

Hesar floksreglar komu tey sjálvi fram til, tá ið vit høvdu evnisdagar um trivnað. Vit mugu øll hjálpa til, so vit klára at halda reglarnar:)

Lesing

Tá ið mann lærir at lesa, koyrir mann framm, men so bakkar mann eitt sindur aftur:) Tað gera vit nú. Í nakrar dagar lesa vit lættari tekstir. Her kunnu næmingarnir eisini lesa eitt sindur í bókalummanum. Bókalummin er eykað lesitilfar. 

Bókalummin

Bókalummin er eyka lestnaður. Er ein bók í lummanum, skal hon lesast tvær ferðir og síðani skulu uppgávur gerast, um uppgávur eru við. Seinni koma bøkur, sum bara skulu lesast eina ferð.

Avritssíðurnar eru úr lesibókini Hervør og Høgni í skúla. Fyrst lesur mann bókstavin, síðani orðini, sum hoyra til myndina, aftaná lesur mann orðini undir strikuni og til síðst tekstin. Hesar síðurnar skulu lesast tríggjar ferðir.

Tað er sera týdningarmikið, at teksturin verður lisin hart. Eg seti tíð á í heimasetninginum, men mann kann sjálvandi lesa meira:-) Tá ið bókin ella avritssíðurnar eru lisnar, geva næmingarnir mær bókalumman og eg leggi nýtt tilfar í. Nú seta vit ordiliga ferð á lesingina.

Góðan lesihug:)

SSP ráðgevin (skúli, sosialir myndugleikar og politi) skipar fyri felags foreldrafundi "At knýta bond" í kantinuni í skúlanum við Løkin kl. 17-19. Um morgunin hevur ráðgevin prátað við børnini um "At knýta bond". Vónandi síggja vit nógv foreldur til hetta tiltakið:)

Avtalur:

Føðingardagar: Gentur bjóða gentum, og dreingir bjóða dreingjum. Um mann hevur hug, kann mann eisini bjóða øllum flokkinum. Føðingardagsgáva - 20kr.

Foreldraráð: Mamman/pápin hjá Magnu, Kataleyu og Fridu. Takk fyri:)

Messangerbólkur til foreldrini.

Flokskonto: Mann upprættar sjálvur eina konto til barnið.

Góðu tit, royni og haldi aftur við telefonunum sum longst. Tit kunnu altíð fáa fatur á okkum báðum 256146 og 212980.

Nøkur praktisk ting:

• Saksur og límstift í taskuni. Set navn á.
• Tjúkkur blýantur at skriva við.
• Træ litblýantar í arbeiðsbókunum. Mann kann brúka tusj í teknibókum.
• Góður matpakki. Vit drekka vatn ella mjólk.
• Sigið frá, um barnið ikki kemur í skúla.
• Sigið frá, um barnið skal aðrastaðni enn í frítíðarskúla. Skrivið sms til tann læraran, sum hevur barnið tann síðsta tíman.
• Hyggið inn á heimasetningin hvønn dag. Heimasetningurin eru komin í síðsta lagi kl. 15.
• Samband: Rógvi Nielsen t.l.f. 256146 og Joan Jacobsen t.l.f. 212980. Tit eru altíð vælkomin at ringja, um tit ivast í onkrum.