Trivnaðarátakið
Evnið hesa vikuna er "nýggir, góðir vanar".
Næmingarnir verða tilvitaðir um góðar og ringar vanar, og at vit sjálvi kunnu taka ábyrgd av okkara vanum.
Vit kunnu gevast við okkara ringu vanum, og fáa okkum góðar vanar ístaðin.
Í flokkinum fara vit at leggja dent á góðar vanar.
MuseScore.org - eitt ókeypis forrit at skriva nótar við
Seinastu tímarnar í tónleiki hava vit lært eitt sindur um at skriva og lesa nótar. Vit skrivaðu m.a. okkara egna lag. Til hetta nýttu vit eitt forrit, ið eitur MuseScore.org. Forritið finst á netinum, tað er ókeypis, og til ber at fáa tað á føroyskum. Øll, ið hava hug, kunnu fáa sær hetta forritið.
Bestu heilsanir,
Kári
Meludia.com - Ókeypis at nýta í Føroyum
Meludia.com er eitt hoyrilæru-forrit, ið stendur øllum íbúgvum í Føroyum frítt at nýta. Vit royndu forritið fyrsta tónleikatíman í 2.a í 2019, og tað riggaði væl. Vit lærdu um hækkandi og lækkandi løg, reinar og óreinar akkordir, nøgd av slagverkssløgum o.a. Tit eru vælkomin at stovna tykkara egna brúkara heima og venja tykkum har. Tað einasta, ið krevst, er ein teldupostbústaður og ein telda, teldil ella snildfon.
Kári
Børnini hava fingið eina reyða mappu, har bøkurnar liggja í, sum tey skulu lesa 5-10 min í hvønn dag. Vit skifta bøkurnar í mappuni hvønn mikudag. Allar hinar dagarnar skal mappan ikki vera í taskuni, men liggja heima. Tað er gott, um tey lesa bókina hart saman við einum vaksnum. Tá bókin er lisin, skulu tit skriva dagfesting og undirskrift á listan í lummanum.
