Runavík 13. mars 2020
Til foreldur og næmingar í framhaldsdeildini.
Vísandi til skrivið frá landsstýrismanninum i undirvísingarmálum hava lærararnir í framhaldsdeildini valt at lata næmingarnar gera uppgávur í m.a. Wiseflow, ímeðan skúlin er afturlatin. Heitt verður á tykkum at fylgja væl við á heimasetningum, har øll kunning verður.
Lærugreinarnar eru skipaðar á henda hátt:
Arbeiðsdagar og innlatingarfreistir Lærugrein
16.-17. mars Enskt
18., 19., 20. mars Føroyskt
18., 20., 25., 27. mars Rokning
25., 26., 27. mars Danskt
Uppgávurnar á Wiseflow verða latnar upp klokkan 8:00 á morgni og lata aftur klokkan 24:00 á innlatingardegnum. Tit kunnu gera eitt sindur í senn ella gera alt í senn, men bíði við at trýsta á “Innlating” til allar uppgávur eru svaraðar!
Heitt verður á foreldur um at fylgja við góðskuni á innlatingunum soleiðis, at uppgávurnar eru so væl svaraðar sum gjørligt.
_____________________
Heilsan frá leiðsluni
Góðu næmingar, foreldur og avvarðandi.
Hóast skúlin nú er stongdur, er ikki ætlanin, at hetta skal hugsast sum ein eyka frítíð. Okkum er álagt at skipa fyri undirvísing, so væl tað er gjørligt, og tí fara lærarar at leggja ymiskar uppgávur og lektiur á heimasetningarnar hjá flokkunum.
Vit í leiðsluni fara staðiliga at heita á tykkum um at fylgja teimum boðum, ið løgd verða út. Í fyrsta umfari er skúlin stongdur í 14 dagar, men vit vita ikki, hvat hendir, og hvussu støðan er um 14 dagar, og tí fara vit at skipa soleiðis fyri, at til ber at vera heima og fáa nakað fakligt burtur úr kortini.
Fyri leiðsluna
Durita P. Joensen, stjóri
Hans Michael í Mittúni, varaskúlastjóri
Jónleif Johannesen, varaskúlastjóri
Góðu foreldur
Runavíkar kommunuskúla hevur eina reglugerð fyri nýtslu av telefonum o.l. í skúlatíðini.
Hesar reglur eru galdandi fyri allar næmingar skúlans.
Í skúlanum:
Um næmingurin hevur telefon ella onnur elektronisk tól við, skulu tey vera sløkt og liggja í taskuni.
Í tímunum:
Telefonin skal vera sløkt og liggja í taskuni.
Um telefonin skal brúkast sum amboð, er tað lærarin, sum ger av, nær og hvussu, hon verður brúkt.
Í fríkorteri, í matfríkorteri, í frítímum og til morgunsang:
Eingin telefon er loyvd.
Um reglurnar ikki verða fylgdar, verður telefonin tikin og løgd á skrivstovuna, har hon í samráð við foreldur verður avheintað.
Næmingarnir hava sjálvir ábyrgdina av telefonum og øðrum elektroniskum útbúnaði. Skúlin heftir ikki fyri brot og burturmistar lutir.
Flóvin Bænadiktsson
https://www.youtube.com/watch?v=100BNCtNp4Q
ordnet.dk (danski sprotin)
symbolleksikon.dk
