Góðu tit øll :)

Vónandi hava tit tað gott, nú fyrsta koronavika er farin afturum, og vit fara í holt við aðru viku.

Vit halda fram, líka sum vit hava gjørt. Vit vilja vit báðar takka fyri tykkara forstáðilsi og tykkara arbeiðsinsats, í hesum undarligu tíðum, nú børnini ikki sleppa í skúla og vit ikki til arbeiðis.  

Her er ein heilsan frá leiðsluni.

Vinarliga Joan og Sólva

Góðu foreldur og næmingar :)

Hóast næmingarnir eru heima í 14 dagar, sleppa teir ikki undan at gera heimaarbeiðið, sí kunning her. 

Í rokning skulu tey rokna til og við s. 47 í Rokning 2b. (Sera deiligt um tit tryggja tykkum, at børnini duga at plussa við mentu og minussa við at læna.)

Eg havi ikki so góðan hug til at byrja ein nýggjan kapittul, tí verða næmingarnir bidnir um at rokna í netroknibókini 2b. Tey skulu loysa nakrar uppgávur í kap. 9 (keyp og søla,) 10 (talveiða) og 11 (additión og subtraktión.) Leinkið til netsíðuna liggur niðanfyri her, minnist bara til at loyva Flash at virka.  

Vælkomin at ringja til mín á tlf. 507014, um tað eru spurningar.

Vh Sólva

 

Í føroyskum arbeiða vit við lesibókini "Einsamøll við hús". Tit skulu lesa barnabøkur, sum tit eiga heima og so venja vit smáorðini. Eg skrivi inn í heimasetningin, og hyggið inn hvønn dag, tí har kunnu koma broytingar.

Vh. Joan

 

Vika 14 - 2020

Mánadagur
30. mars
Røklar
Røklar hesa vikuna: Mia og Eyð Elisabet.
Føroyskt
- Einsamøll við hús. Lesið s. 43-44-45-46 tríggjar ferðir ígjøgnum. Takið tíð, og skrivið niður. Spyrjið spurningarnar aftast í bókini.
- Smáorðini. Venjið orðini "fara", "fór", "út", "inn". Skrivið.
- Frílesing bók. Lesið minst 12 min.
Rokning
Í rokning hesa vikuna fara tit at fáa øðrvísi skúlating.
Í dag skulu tit rudda tykkara kamar. Tit skulu koyra øll tey skitnu klæðini í skitnatoyskurvina. Reiða tykkara song upp. (Tað skulu tit gera hvønn morgun hesa vikuna) Støvsuga kamarið. So skulu tit taka ein lappa, vinda hann upp, og so turka eftir øllum hillunum inni í kamarinum. So skulu tit senda mær eina mynd av ruddiliga kamarinum hjá tykkum.
Tónleikur
Hey øll somul! Trýst á leinkið niðanfyri og lurta eftir sanginum "Antarungin Andrass." Syng síðani við eina ella tvær ferðir. Teksturin stendur undir appilsinunum.
Trýst her
Týsdagur
31. mars
Føroyskt
- Einsamøll við hús. Lesið alla bókina eina ferð ígjøgnum. Gerið eitt munnligt bókaummæli. Hvussu eitur bókin?.... Niðast á síðuni.
- Smáorðini. Venjið orðini "væl", "vera", "hjá", "enn". Skrivið.
- Frílesing bók. Tit lesa, um tit orka:-)
Rokning
Í dag skulu tit tøma uppvaskmaskinuna. Um tað er okkurt, tit ikki vita, hvar tað skal vera, skulu tit spyrja onkran vaksnan. Men minst til, at tað eru tit sum tøma uppvaskmaskinuna, so tað eru tit, sum skulu koyra alt upp á pláss. Tit skulu taka tíð, hvussu leingi tit brúka at tøma uppvaskmaskinuna. So skalt tú tosa við onkran vaksnan um tað kendist leingi at tøma hana ella ikki. (Minst til, at tit skulu eisini reiða songina upp)
Mikudagur
1. apríl
Rokning
Í dag er 1. apríl, og tað er dagurin, tá tit hava lov at lumpa onkran. Tit skulu lumpa onkran vin ella onkran vaksnan. Eg havi einki gott hugskot akkurát nú, hvat tit kunnu gera, so finnið uppá okkurt stuttligt sjálvi.
Føroyskt
Hey! Nú rokni eg ikki við, at tað eru nógvar bøkur eftir á hillunum :-) Men, finn tær nú eitt pappír at skriva á.
- Finn ta bestu bókina, sum tú hevur lisið
- Skriva, hvussu hon eitur
- Hvør hevur skrivað bókina
- Skriva nakrar fáar reglur, hvat bókin er um
- Finn eitt lítið petti, sum tú ætlar at lesa upp, tá ið tú kemur í skúla aftur
- Boðskapur. Hvat vil rithøvundurin siga okkum við hesari bókini. Hetta kann vera eitt sindur ringt, men fá onkran vaksnan at hjálpa tær við hesum :-)

- Frílesing bókin. Les hart minst 10 min.

Bókasavnið við Løkin koyrir bøkur út, um tit mangla bøkur:-)
Ringið um tit ivast 212980.
Hósdagur
2. apríl
Rokning
Í dag skulu tit støvsuga stovuna. Minnist til, at tá mann støvsugar, skal mann eisini støvsuga inn í hjørnini og uppí á gólvlistunum. Eisini skulu tit seta støvsugaran upp á pláss, tá tit eru liðug.

Tit skulu eisini hugsa um, hvussu nógv tjøldur tit hava sæð. Hyggið út gjøgnum eitt vindeyga ella farið út at vita, um tit síggja og hoyra nøkur.
Føroyskt
Hey, finn eina bók afturat, og ger tað sama, sum tú gjørdi við hina bókina.
- Finn ta næst bestu bókina, sum tú hevur lisið:-)
- Skriva, hvussu bókin eitur
- Hvør hevur skrivað
- Skriva nakrar fáar reglur, hvat bókin er um
- Finn eitt lítið petti, sum tú ætlar at lesa upp, tá ið tú kemur í skúla aftur
- Boðskapur. Hvat vil rithøvundurin siga okkum við hesari bókini. Hetta kann vera eitt sindur ringt, men fá onkran vaksnan at hjálpa tær við hesum

Tá ið tit koma aftur í skúla, taka tit hesar báðar bøkurnar við. Tit fara í smáar bólkar, og greiða frá bókunum, sum tit hava valt :-)

Bókasavnið við Løkin koyrir bøkur út, um tit mangla bøkur:-)
Fríggjadagur
3. apríl
Rokning
Í dag skulu tit hjálpa til at koyra í uppvaskmaskinuna. Hvørja ferð, tit síggja eitt glas ella ein tallerk á borðinum, skulu tit koyra tað í maskinuna.
Eisini skulu tit rudda skúlataskuna og hyggja í pennahúsið, og vita um tit hava nakrar blýantar, eitt viskileður, ein spískara og eina linjuál í pennahúsinum. Um tit ikki hava tað, skulu tit siga tað við onkran vaksnan heima, sum kann hjálpa tær at fylla pennahúsið. Minnist endiliga til at skriva navn á blýantarnar og alt hitt. (Minist til, at tit skulu eisini reiða songina upp)
So vil eg enda við at ynskja tykkum øllum eina góða páskaferiu, og eg gleði meg at síggja tykkum øll aftur. :)
Føroyskt
- Hervør, Høgni og hini. Lesið s. 108 tríggjar ferðir ígjøgnum.
- Arbeiðsbókin s. 42-43.
- Tit kunnu gott gera páskaprýðið á s. 109. Bara, um tit hava hug:-)
- Hugskot á páskum:-)Finnið tykkum eina bók, sum tit leggja á náttborðið. Eina náttborðsbók. Lesið nakrar síður, áðrenn tit leggja tykkum at sova. Tit avgera sjálvi, um tit lesa hart ella innantanna. Tað er sera gott, at tað verður lisið eitt sindur í feriuni eisini:-)

Um tit hava hug at gera páskaprýði, so kunnu tit fara inn á krotak.com - leita t.d. eftir "paper plate chicken" o.a. Har er nógv annað gott á netinum.

Síðani fari eg at ynskja tykkum og allari familjuni eina góða páskaferiu:-) Spennandi at vita, nær vit møtast aftur:-):-) Ansið eftir tykkum í hesum tíðum. Luftklemm frá mær :-):-)

Rokning á netinum

Tit eru vælkomin at rokna eina løtu á netinum. Her er ein leinki til Rokning 2b

http://80.77.131.132/multi/1-4nettoppgaver/multi3b

Skúlagongdin avlýst frá fríggjadegnum 13. mars. 
 

Góðu næmingar, foreldur og avvarandi.      

Eftir tilráðing frá skúlamyndugleikunum steðgar øll skúlagongd frá í morgin, fríggjadagin 13. mars og tvær vikur fram, til og við fríggjadagin 27. mars. Hetta er eisini galdandi fyri næmingarnar í forskúlanum og næmingarnar í starvsvenjing.

Mælt verður til at vísa størsta varsemi og at taka tey atlit, myndugeikarnir mæla til, í álvara. Støðan krevur av okkum øllum, at vit eru serliga umhugsin og ábyrgdarfull komandi dagarnar.

Um heilt serligar umstøður gera seg galdandi, og tað als ikki letur seg gera at hava skúlabørnini heima hesa dagar, verða tit biðin um at venda tykkum til leiðslu skúlans áðrenn fríggjadagin 13. mars kl. 12.00. Um broytigar koma fyri, verður kunnað um hetta á heimasíðu skúlans www.rks.fo

 

Ringjast kann til :

Duritu Joensen, skúlastjóra tlf. 217331

Jónleif Johannesen varaskúlastjóra tlf. 237134

Hans Michal í Mittúni varaskúlastjóra tlf. 237133

Bókaummæli:

  • Hvussu eitur bókin?
  • Hvør hevur skrivað bókina? Rithøvundurin.
  • Greið frá í stuttum, hvat bókin er um.
  • Hvørjir persónar eru í bókini? Høvuðspersónar, eykapersónar...
  • Hvar gongur hon fyri seg? Heima, skúlanum, køkinum..... Hvussu síggja vit tað.
  • Nær gongur hon fyri seg? Morgunin, jólum, veturin....... Hvussu síggja vit tað.
  • Kennir tú hettar frá veruleikanum?
  • Hvat heldur tú um bókina? Góð. Hví? Hvat dámar tær best í bókini?

Hetta gera tit av og á, tá ið tit lesa heima :-) Vit práta um hetta, tá ið tey koma í skúla :-)

Morgunsangurin

Til morgunsangsløtuna læra allir flokkar ein felags sang. Tvær tær næstu vikurnar læra vit okkum sangin "Byrur er, skipið fer". Syngið heima, tá ið tit hava tíð. Sangurin liggur í einum plastlumma. Næmingarnir duga lagið. 

Trivnaðarátakið

Hetta er tað, sum vit eru komin fram til:

  • Arbeiðspunktið: Vit tosa pent við hvønnannan
  • Um okkurt keðiligt er, so hava vit nakrar møguleikar. Vit kunnu sjálvi læra okkum at siga frá, vit fáa hjálp frá einum vini, at siga frá, vit fáa hjálp frá teimum vaksnu (siga tað við garðvaktina, læraran ella foreldrini) Tað er sera, sera, sera týdningarmikið, at vit siga frá, um okkurt er
  • Vit hava arbeitt við samarbeiðsvenjingum 
  • Vit hava loynivin, sum vit ansa serliga væl eftir hesa vikuna:-)
  • At bovla og eta var eisini ein partur av trivnaðarátakinum. Tey vóru fyrimyndarlig í bovling fríggjadagin. Ein sera góður túrur:-)

Hey tit

Ein tilburður av skrubb er staðfestur her hjá okkum. Vinarliga haldi eygað við hesum. 

Hey

Nú havi eg gjørt spælibólkar. Hyggið inn á leinkið niðanfyri.

Vh Sólva

Spælibólkar

spælibólkar 2.b.docx 23.42 KB

Hey tit 

Takk fyri ein góðan foreldrafund. 

Hetta er tað, sum vit avtalaðu:

Ein foreldrabólk (Ása, Sabina, Nancy og Rafik)

Vinabólkar - ja (eg geri bólkar)

Pengar - ja (200 kr. skulu flytast á konto 6460 - 5873020)

Og so viðmælti eg eisini, at tit upprætta egna konto, at flyta pengar inn á, til møguliga námsferð.