Til foreldur og næmingar í framhaldsdeildini.

Vísandi til skrivið frá landsstýrismanninum i undirvísingarmálum hava lærararnir í framhaldsdeildini valt at lata næmingarnar gera uppgávur í m.a. Wiseflow, ímeðan skúlin er afturlatin. Heitt verður á tykkum at fylgja væl við á heimasetningum, har øll kunning verður.

Lærugreinarnar eru skipaðar á henda hátt:

Arbeiðsdagar og innlatingarfreistir Lærugrein

16.-17. mars Enskt

18., 19., 20. mars Føroyskt

18., 20., 25., 27. mars Rokning

25., 26., 27. mars Danskt

Uppgávurnar á Wiseflow verða latnar upp klokkan 8:00 á morgni og lata aftur klokkan 24:00 á innlatingardegnum. Tit kunnu gera eitt sindur í senn ella gera alt í senn, men bíði við at trýsta á “Innlating” til allar uppgávur eru svaraðar!

Heitt verður á foreldur um at fylgja við góðskuni á innlatingunum soleiðis, at uppgávurnar eru so væl svaraðar sum gjørligt.

Góðu næmingar, foreldur og avvarðandi.
23. mars 2020
 

Sum tit helst vita, er avgerð nú tikin um, at vit ikki fara í skúla aftur fyrr enn í fyrsta lagi eftir páskir. Tað vil siga, at vit í tvær vikur afturat skulu halda okkum heima og gera skúlating, eins og vit hava gjørt, síðani vit fóru heim fyri góðari viku síðani. 
Vit í leiðsluni fara aftur at heita á tykkum um at fylgja við á heimasetningunum og fylgja teimum boðum, sum lærararnir geva tykkum. Hóast tað ikki er sum at ganga í skúla, er tað sera umráðandi, at næmingarnir regluliga gera sítt heimarbeiði, so at teir ikki steðga upp og í ringasta føri gera afturstig.  
Sjálvt um tað kann vera strævið og møtimikið at halda næmingunum til, fara vit aftur at undirstrika týdningin av hesum og ynskja stórum og smáum góðan arbeiðshug. 
Er okkurt at spyrja lærararnar um í sambandi við skúlating, kunnu tit seta tykkum í samband við teir. 
 
Vinaliga leiðslan.     

Góðu foreldur 
Runavíkar kommunuskúla hevur eina reglugerð fyri nýtslu av telefonum o.l. í skúlatíðini.  
Hesar reglur eru galdandi fyri allar næmingar skúlans.  
   
Í skúlanum:   
Um næmingurin hevur telefon ella onnur elektronisk tól við, skulu tey vera sløkt og liggja í taskuni.     
  
Í tímunum:   
Telefonin skal vera sløkt og liggja í taskuni.     
Um telefonin skal brúkast sum amboð, er tað lærarin, sum ger av, nær og hvussu, hon verður brúkt.  
  
Í fríkorteri, í matfríkorteri, í frítímum og til morgunsang:  
Eingin telefon er loyvd.   
  
  
Um reglurnar ikki verða fylgdar, verður telefonin tikin og løgd á skrivstovuna, har hon í samráð við foreldur verður avheintað.  
Næmingarnir hava sjálvir ábyrgdina av telefonum og øðrum elektroniskum útbúnaði. Skúlin heftir ikki fyri brot og burturmistar lutir. 

Her ber til at lurta eftir tekstunum í Les:

https://snar.fo/les/les-undirsidur/ljodfilur/