SUMMAR-LESNAÐUR!
Tað er sera gott at lesa eitt sindur í summarferiuni, so lesiførleikin verður hildin við líka:)

Næmingarnir hava fingið eitt ark frá Bókasavninum við Løkin heim við-til ber annars at fáa fleiri á bókasavninum. Hetta er ein summar-lesi-avbjóðing. Tað er einki krav frá mínari síðu at luttaka, men upp til tykkum næmingar og  foreldur. 

Eg havi sagt við næmingarnar, at tað er hóskandi at lesa miðal-avbjóðingina, hjá summum er kanska hin lætta nóg mikið. Tá ein letur arkið inn á bókasavninum fær mann ein ís og er við í kappingini um eitt gávukort frá Bókabúðini:)

Vit vóru øll á bókasavninum í síðstu viku og læntu bøkur, men annars ber væl til at lesa í eini bók, tit hava heima. Bókasavnið við Løkin er eisini opið alla summarferiuna.

Lesið meira her: https://lokin.fo/news/150/summarbokin-ein-lesiavbjoding

 Vónandi hava tit hug at verða við:)

Eina avbera góða summarferiu ynski eg øllum<3 <3 <3

Blíða heilsan

Brynhild

Seturskúli 9 juni – 10 juni

Góðu foreldur og næmingar í 5 a og 5 b. Endiliga fara vit á seturskúla. Tær fyrstu ætlanirnar at fara á seturskúla í Suðuroy eru broyttar. Vit hava gjørt av, at leiðin nú gongur til Klaksvíkar. Í Klaksvík fara vit at sova í Skálanum.

Vit vita, at vegna koronastøðuna í landinum er møguleiki fyri, at seturskúlin verður avlýstur, men vit vóna tað besta.

At hava við: 

·         Gjald fyri seturskúlan 100 kr,

·         Lummapengar í mesta lagi 100 kr

·         Matpakka (vit fara ein túr, tá ið vit koma til Klaksvíkar)

·         soviposa og undirlag/madrassu

·         tannbust oa,

·         svimjiklæðir og 2 handklæði

·         skiftiklæðir.

Í hesum sambandi fara vit at fáa brúk fyri nøkrum foreldrum at koyra, baka bollar og skuffukøkur.

Hvør flokkur hevur brúk fyri:

1.    3 bilum at koyra norður mikumorgunin uml. kl 8.00 og 3 bilum at koyra heim aftur uml. kl 13.00.

2.    4 kg bollar

3.    2 skuffukøkur

Høvuðsorsøkin til at vit fara á seturskúla í ár, er at vit meta, at seturskúlin hevur so ómetaligan stóran týdning fyri samanhaldið og trivnaðin í flokkinum.

Vit eru sera spent og vóna at fáa ein ordiliga góðan túr. Tí er tað týdningarmikið, at vit øll hugsa um tann góða felagsskapin og gera okkara allarbesta til, at túrurin verður fantastiskur og ein túrur, ið vit leingi fara at minnast.

Við á seturskúlanum verða Jóhan, Jenni, Johnny, Brynhild og Mildrið 

Jenni tlf. 588796      Jóhan 507341

Tónleik

Venjið rútmu við koppi, sí leinkju

 https://www.youtube.com/watch?v=cmSbXsFE3l8

https://www.youtube.com/watch?v=Y5kYLOb6i5I

Hendurnar á børnunum vit leiða bert stutta tíð…

Men hjarta okkara tey eiga fyri altíð

Roknispæl