Mikudagin 24. mai skipa vit á Glyvrum fyri árliga Forskúladegnum, har allir forskúlar í Føroyum koma saman. Dagurin byrjar kl. 9.30 og endar kl. 12. Vit møta tó á Brúnni sum vanligt, og opið er frá kl. 7.30.

Forskúlarnir, ið koma at vitja okkum, eru Forskúlin á Argjahamri, Forskúlin á Skála, Forskúlin á Eiði, Forskúlin í Sankta Frans skúla í Havn, Forskúlin í Kelduni í Skálafirði og Skúlaspírin í Eysturkommunu. 160 børn og vaksin koma at vitja okkum.

Skráin fyri dagin er henda:

kl. 9.30 Forskúlarnir koma við bussum (fáa eitt stað at heingja jakkar og seta skógvar)

kl. 9.45 Felagssangur og sangframførslur uppi á gongini

kl. 10.45 Matpakki (Brúgvin bjóðar skuffukøku og frukt omaná) og síðani frítt spæl uttandura og innandura

kl. 11.50 Felagsmynd

kl. 12.00 Dagurin endar (bussarnir koyra)

 

Vit á Brúnni venja sangirnar "Okkara tjaldur," "Lurta nú" og "Inni liggur tú líri" til sangløtuna forskúladagin. 

 

Bestu heilsanir,

 

Starvsfólkini á Brúnni